Antigua ferraría restaurada de Pombriegu

GUIA DE VIAXE

De xuru que nun voi citar dalgún de los sitios interesantes pa dormir y quedase, de pasu que se visiten estes comarques lleoneses, pero la verdá ye que, per un llau, la llista queda abierta a les suxerencies de lo que cada ún alcuentra nel camín y, per otru, tampoco nun los conozo toos.
Esta ye, pues, la mio axenda particular d'ónde poder quedase:

Hotel LA FERRARIA (Cabreira Baixa)
Antigua ferraría construyida pol abá Benito Zoube y qu'entró en funcionamientu nel 1761. La guerra civil acabó con buena parte de les sos instalaciones, pero la casona permaneció en pie, asina como la carril del augua abierta na roca hasta'l banzáu, un kilómetru ríu Cabreira arriba. El 1999, el matrimoniu Arteaga decidió recuperar el conxuntu calteniendo l'estilu popular de la comarca. Cuenta con 4 cuartos dobles, 2 cuartos de matrimoniu y 1 magnífica suite. El llugar nel qu'asitia ye espléndidu y dispón d'un buen serviciu de comíes, arriendes d'un bar/cafetería na antigua corte.
Dirección: Pombriegu (Benuza, Cabreira Baixa).
Tfnu. 987.45.23.03
Web: http://www.laferraria.com
e-mail: laferra@laferarria.com

Hospedería GUTS MUTHS (La Somoza)
Casona tradicional maragata del sieglu XVIII, mandada construyir por D. Diego Franco, importante arrieiru de La Somoza. Restaurada nel 1994 pa hospedería (la única de Lleón integrada dientro del grupu Rusticae) pol matrimoniu que la rexenta, una maragata y un holandés. Si dalgo paga la pena recalcar, arriendes del propiu llugar, ye'l tratu que los sos dueños dispensen a los clientes. Cuenta con 9 cuartos dobles, cada ún d'ellos decoráu por un alumnu de la Escuela de Diseñu de Valladolid, y sírvense comíes na dependencia de l'antigua cocina de la casa.
Dirección: Santiagomillas (Santiagomillas, La Somoza).
Web: http://www.rusticae.es y http://www.guts-muths.com

Hotel CUCA LA VAINA (La Somoza)
Hospedaxe asitiáu sobre una antigua casona de mampostería típica del pueblu de Castriellos de los Polvazares, cerquina de la ilesia. Una llarga cai adoquinada cruza'l pueblu y aporta hasta'l llugar, colo que ye mester, depués de posar les maletes, tornar col coche al aparcamientu de la entrada. La calma ye total nel sitiu y los llugares pa comer nos alredores escelentes.
Dirección: Jardín, s/n. Castriellos de los Polvazares (Astorga, La Somoza)

Hotel ASTUR PLAZA (La Somoza)
Allúgase na plaza mayor d'Astorga, al delláu de la Casa Conceyu. Ye d'inauguración reciente y cuenta con 35 cuartos, amás de restorán y aparcamientu propiu, lo que ye bien d'agradecer n'Astorga.
Dirección: Plaza España, 2-3. Astorga (Astorga, La Somoza)

Hotel Residencia GAUDI (La Somoza)
Un de los llugares de siempre d'Astorga, asitiáu delantre del Palaciu Episcopal, obra del arquitectu Gaudí. Dispón de 35 cuartos, aparcamientu y restorán especializáu en comida maragata.
Dirección: Eduardo Castro, 6. Astorga (Astorga, La Somoza). Tfnu. 987.61.56.64

Balneario CALDAS DE LUNA (L.luna)
Nel mesmu pueblu de Caldas de L.luna, el primeru que s'atopa según se sal del tunel del Negrón na autopista del Güerna, esti balneariu afáyase metanes d'un paraísu pa los amantes de la tranquilidá y la montaña. Cuenta con modernes instalaciones, posiblidades de turismu activu y un buen restorán. Nun escaecer dir bien abrigáu que s'alcuentra a 1400 m. d'altor.
Dirección: Caldas de L.luna (L.luna d'Arriba, L.luna), Tfnu 987.59.40.66
Web: http://www.balneariocaldasdeluna.com
e-mail: correo@balnearioluna.com

Centro de Turismo Rural DIAS DE LUNA (L.luna)
Antigua casa-escuela de Sena de L.luna, construyida en 1914, con muries de mampostería y sillares de piedra guardando l'estilu propiu de les construcciones de la comarca. Restauróse nel añu 1997 y ye un modelu de supresión de barreres arquitectóniques. Cuenta con 17 cuartos, 5 d'ellos abuardillaos y 1 acondicionáu pa minusválidos. Posibilidaes de turismu activu y, nel branu, de playa fluvial.
Dirección: Carretera de Vil.lablinu, 24. Sena de L.luna (L.luna d'Arriba, L.luna).
Web: http://www.diasdeluna.com
e-mail: turismorural@diasdeluna.com

Posada LA POSADA DEL MARQUES (La Ribera)
L'edificiu del monasteriu cisterciense de Santa María de Carrizu vini sirviendo de residencia brañega a los marqueses de Santa María. La Posada habilitada nel monasteriu ocupa les antigües dependencies del hospital de pelerinos, fundáu nel sieglu XII, por más que l'edificiu actual tea fecháu nel XVII. Al trespasar la cancela del patiu, el mundu detiénse. El xixonés Carlos Velázquez-Duro que lu rexenta amuesa siempre buena disposición pa enseñar el llugar y sentir los cantos gregorianos del monasteriu. Ente los cuartos, de mueble castellanu reciu, afáyense dellos con cames de dosel.
Dirección: Plaza Mayor, 4. Carrizu de la Ribera (Carrizu, La Ribera). Tfnu. 987.35.71.71
e-mail: marques@cegijon.satelia.es

Hotel PASO HONROSO (L'Orbigu)
Un llugar acoyedor, ensin más pretensiones, dende'l que visitar les comarques de la ribera del Orbigu.
Dirección: N-120, km. 335. Hospital d'Orbigu (Hospital d'Orbigu, L'Orbigu). Tfnu 987.36.10.10
Web: http://www.elpasohonroso.com

Como tamién una llarga serie de cases rurales, quiciabes la meyor manera d'entrar en contactu cola tierra. La cantidá d'elles ye descomanada, más que nada col crecimientu de los últimos años. Gracies a munches d'elles tan recuperándose verderes xoyes de l'arquitectura popular quesinon siguiríen la tónica d'abanonu del restu. Voi citar delles de les que más tiempu lleven funcionando. Hai guíes asgaya y páxines webs específiques como pa topar una nel pueblu que t'apeteza.

Los Nogales. Tfnu. 987.58.14.22 Palenque, s/n. Los Barrios de L.luna (L.luna).
Casa del Caño. Tfnu. 987.26.36.31 Travesía del Cañu, 4. Carrizu de la Ribera (La Ribera).
La Magdalena. Tfnu. 987.69.10.67 Real, 38. Castriellos de los Polvazares (Astorga, La Somoza).
La Ksita. Tfnu. 987.67.06.86 Arroyu, s/n. Pozos (Trueitas, Cabreira Alta).
Casa La Tercia. 987.59.80.36 La Estación, s/n. Vil.lamanín de la Tercia (La Tercia del Camín, Hermandá de los Argüeyos).