De la mesma manera que dende Lleón podría escribir itinerarios peles comarques asturianes baxo’l título de El Norte del Reinu de Lleón, rescatado de la memoria’l nome de l’Asturias Cismontana pa falar d’una buena riestra de comarques al sur de l’Asturies d’anguañu y qu’hai 2.000 años, y bien de tiempo después, caltuvo esa denominación. Unos viaxes que parten de la memoria d’aquellos que nos xune: la montaña, que siempre fue tierra de pasu; la llingua, lleonesa, asturiana, mirandesa, bable que sigue teniendo cien nomes pa falar de lo mesmo; la historia, que siempre ye común tamién como diversa; la cultura, qu’enxamás conoció fronteras; la xente

Nun se trata d’un viaxe exhaustivu. Cada comarca amuela un mundu propiu y enforma tengo pa mi si la llectura de cualquier de los testos anima a llector a conocelu o redescubrilu. Queden, amás, otres muches comarques per percorrer. Mesmo al delláu de les que voifalar. Mesmo igual de desconocíes: Güeñar, Gordón, Babia, Llaciana, La Furniella, Los Ancares, L’Altu Sil, La Oumaña, La Cepeda, El Bierzo, La Valduerna, La Valdeiría, Xamuz, El Páramu, valdiorras, Sanabria, La Carbayeda, Vimioso, Miranda del Douro, Aliste, Alba, Tábara, Valverde Tiempo habrá de conoceles.

Asturias debe’l so nome a un ríu: l’Ástura, que la mayor parte de los historiadores reconocen nel Esla. L’Asturies Cismontana nacía a les sos orilles y aportaba hasta la cordelera. L’Ásturies Tresmontana cubría bona parte del actual Pricipáu d’Asturies. La Cismontana ocupa anguañu tierres de Lleón, Ourense, Zamora y Pertual (la manera como tienen de nomar a Portugal los mirandeses).
Hai tierra asgaya. Y, viaxes tolos que quieras imaginar.